un ko ahd-e-shabab men dekha
chandni ko sharab men dekha
aankh ka e’tibar kya karte
jo bhi dekha vo khvab men dekha
daagh sa mahtab men paaya
zakhm sa aftab men dekha
jaam la kar qarib ankhon ke
aap ne kuchh sharab men dekha
kis ne chheda tha saz-e-masti ko?
ek shoala rubab men dekha
log kuchh mutmain bhi the phir bhi
jis ko dekha azaab men dekha
hijr ki raat so gae the ‘adam’
sub.h-e-mahshar ko khvab men dekha
Leave a Reply