Syed Zamin Abbas Kazmi
saron pe bijli giri taar thartharane lage
magar ye giit na.i nasl ko suhane lage
ham apne sard savalon pe zard hain aur aap
javab ban nahin paaya to muskurane lage
bhala ho vaqt ka vo rasta bhaTak ga.i thi
madad ke raste ham rasta banane lage
vo jis ko aap ne nayab panting kaha hai
mujhe to panch chhe rangon ke chaar ḳhane lage
tiri nazar ke badalne se vaqt yuun badla
mire hi faisle mere ḳhilaf jaane lage
Leave a Reply