Poet
zara si aas jaga.e zara umang bhare
koi to aa.e miri zindagi men rang bhare
mire labon pe ujale koi tabassum phir
miri nigah men jalvon ke jal-tarang bhare
kabhi to yuun bhi miri fikr ki sata.ish ho
mire ḳhayal ki parchha.iyon men ang bhare
koi to zaḳhm lagate ki jan-bar karta
ki tum ye tiir bhi le aa.e kaise zang bhare
na toḌ meri ḳhamoshi ki tujh ko zaḳhm milen
jo pur-sukun hain dariya vo hain nahang bhare
dil-o-dimagh ki in qurbaton se larzan huun
main sochta huun koi aa.e in men jang bhare
abhi jo so.e hain ‘anvar’ uThenge hashr ke din
hamen vo jaam pila.e ga.e hain bhang bhare
Leave a Reply