Shakeel Gwaliari
chaak kar kar ke gareban roz siina chahiye
zindagi ko zindagi ki tarah jiina chahiye
ḳhud-kushi ke Tal ga.e lamhe to socha muddaton
ye ḳhayal aaya hi kyuun tha zahr piina chahiye
mashvara maujon se luun us paar jaana hai mujhe
na-ḳhudaon ka to kahna hai safina chahiye
ba-saliqa log bhi hain be-saliqa log bhi
kis se kab miliye kahan miliye qarina chahiye
jab uThe tufan to koi chiiz zad men ho ‘shakil’
har bulandi ke liye ik abgina chahiye
Leave a Reply