Un Ke ruKH Par Jamal Hai Goya

un ke ruḳh par jamāl hai goyā

ishq kā sab kamāl hai goyā

tere laa.eq nahīñ koī tashbīh

sādgī be-misāl hai goyā

baat sach thī unheñ garāñ guzrī

rāst-goī muhāl hai goyā

sab ko dutkārā ab mirī baarī

mujh pe bhī kuchh ḳhayāl hai goyā

kuchh na samjhe ki kyā hai ye duniyā

ek makḌī kā jaal hai goyā

garmi-e-ishq hind se sūraj

saarī duniyā pe laal hai goyā

jis ko sun kar haiñ mahv-e-hairat sab

vo ‘asar’ ḳhush-ḳhayāl hai goyā

Leave a Comment