Hum Bhi Badal Gae Teri Tarz-E-Ada Ke Sath Sath

ham bhī badal ga.e tirī tarz-e-adā ke saath saath

rañg-e-hinā ke saath saath shoḳhī-e-pā ke saath saath

nik.hat-e-zulf le uḌī misl-e-ḳhayāl chal paḌī

chaltā hai kaun dekhiye aaj hinā ke saath saath

itnī jafā-tarāziyāñ itnī sitam-shi.āriyāñ

tum bhī chale ho kuchh qadam ahl-e-vafā ke saath saath

vahshat-e-dard-e-hijr ne ham ko jagā jagā diyā

niiñd kabhī jo aa ga.ī ThanDī huā ke saath saath

hosh uḌā uḌā diye raah ke iztirāb ne

nik.hat-e-gul chalī to thī bād-e-sabā ke saath saath

Leave a Comment