hain shaam hi se ranj-o-qalaq jaan par ab to
ham ko nahin ummid ki pakḌen sahar ab to
divana koi ho.e to ho us ki bala se
apne hi pari-pan pe paḌi hai nazar ab to
saa.e se chahak jaate the ya phirte ho shab bhar
vallah ki tum ho ga.e kitne niDar ab to
jaan ko to ḳhabar bhi nahin uupar hi se uupar
dil le ga.i is shoḳh ki nichi nazar ab to
mai-ḳhana-o-mai-e-ishq-e-butan aur ye sin-o-sal
‘tanvir’ ḳhuda ka bhi zara ḳhauf kar ab to
Leave a Reply