afroz-alam

Mauj-Dar-Mauj Hawaon Se Bacha Launga

mauj-dar-mauj havaon se bacha launga

khud ko main dasht ke panjon se chhuda launga

hausla rakhiye main sahra se palat aunga

zarre zarre se mohabbat ka pata launga

mere hathon ki lakiron men jo hain uljhe hue

un hi gesu ke liye phuul bacha launga

tere mathe pe chamakte hue rangon ki qasam

tire honton pe tarannum ki sada launga

main jo paband-e-vafa huun tu vafa zinda hai

main isi tarz-e-riyazat ka sila launga

mausam-e-khushk hua tez magar vaada raha

surkh phulon ke liye nam-e-vafa launga

shab ki tanhai men ankhon se lahu tapkega

aise ‘alam’ ki main tasvir bana launga

More Poems

Leave a Comment