Bazm-E-Tarab Waqt-E-Aish Saqi O Naql O Sharab

bazm-e-tarab vaqt-e-aish saaqi o naql o sharab

koi ise kuchh kaho ham to samajhte hain khvab

majmaa-e-khuban vale zamzama-e-chang vale

koi ise kuchh kaho ham to samajhte hain khvab

sehn-e-chaman husn-e-gul abr-o-hava sharb-e-mul

koi ise kuchh kaho ham to samajhte hain khvab

ishrat-e-subh-e-bahar sair-e-gul-o-lala-zar

koi ise kuchh kaho ham to samajhte hain khvab

raqs-e-but-e-ghuncha-lab kasrat-e-aish-o-tarab

koi ise kuchh kaho ham to samajhte hain khvab

ishq ke ijz-o-niyaz husn ke andaz-o-naz

koi ise kuchh kaho ham to samajhte hain khvab

masti-e-mai-khana-ha gardish-e-paimana-ha

koi ise kuchh kaho ham to samajhte hain khvab

shadi-e-vasl-e-butan sohbat-e-mah-talatan

koi ise kuchh kaho ham to samajhte hain khvab

ghalghal-e-kos-nashat khush-dili o imbisat

koi ise kuchh kaho ham to samajhte hain khvab

sarvat-e-mal-o-manal hashmat-o-jah-o-jalal

koi ise kuchh kaho ham to samajhte hain khvab

qasr-o-mahl dil-pazir zinat-o-zeb ai ‘nazir’

koi ise kuchh kaho ham to samajhte hain khvab

Leave a Comment