Nishant Shrivastava Nayab
un ka didar meri qismat men
ishq to ḳhush hai itni ujrat men
main ne sab kuchh hi soch rakkha hai
mujh ko Daloge kaise hairat men
aa.ina roz muskurata hai
kuchh to achchha hai meri surat men
raushni ne sikha.i chalaki
kitna ma.asum tha main zulmat men
jaane vo kis ḳhayal men gum tha
baat kar baiTha mujh se ghaflat men
main na aaya nazar savalon ko
ḳhaak itni uḌaa.i vahshat men
honT tak bhi na tar hue mere
bech di pyaas main ne ujlat men
Leave a Reply