umr kar-e-jahan se guzri hai
gardish-e-asman se guzri hai
dekhta huun shabab ko muḌ kar
zindagani yahan se guzri hai
dil ki rudad kaif ka aalam
dastan dastan se guzri hai
raat be-jam-o-ḳhosha-e-angur
uf nazar kahkashan se guzri hai
zindagani-e-kahish-e-ummid
meri umr-e-ravan se guzri hai
ye hua hai ki ab miri ummid
dil men hai rah-e-jan se guzri hai
be-ḳhudi ke karam se ai ‘kaifi’
ḳhuub pir-e-mughan se guzri hai
Leave a Reply