ai mire dil ye tire dar pe jo dastak si hai
mujh ko lagta hai havaon ne mohabbat ki hai
main ne tanha hi sanbhala hai ḳhazane ko tire
zindagi tujh se har ik rang men ulfat ki hai
raaz ab raaz nahin koi tiri mahfil men
bin piye bhi tire lahje men jo larzish si hai
lauT jaate hain sabhi apne gharondon ki taraf
dil-e-viran ne sar-e-sham ye hujjat ki hai
yuun tapish mujh ko jala.e hai rula.e hai magar
sham.a har rang men jalti hai sahar hoti hai
kohr sa phailta jaata hai miri sub.hon men
haath jalte hain jo taron ki talab hoti hai
Leave a Reply