Saleem Ahmed
umr bhar kavish-e-iz.har ne sone na diya
harf-e-na-gufta ke azar ne sone na diya
dasht ki vus.at-e-be-qaid men kya niind aati
ghar ki qaid-e-dar-o-divar ne sone na diya
thak ke so rahne ko raste men Thikane the bahut
havas-e-saya-e-divar ne sone na diya
kabhi iqrar ki lazzat ne jaga.e rakkha
kabhi andesha-e-inkar ne sone na diya
ho ga.i sub.h badalte rahe pahlu shab bhar
ek karvaT pe dil-e-zar ne sone na diya
Leave a Reply