Sufi
na-mukammal hain abhi takmila-e-zat karen
in ko dekhen to khud apne se mulaqat karen
aap aaen to zara aap se kuchh baat karen
hont si len magar ankhon se savalat karen
gardishon se ye kaho rukh na karen ghar ki taraf
ab vo ham se sar-e-mai-khana mulaqat karen
aap ke baare men socha to bahut tha lekin
ab ham is soch men hain aap se kya baat karen
rukh pe kya rang hai kaisi hai in ankhon ki faza
dil jo thahre to kuchh andaza-e-halat karen
ghar ki tanhai se kyon itne pareshan ho ‘ziya’
aao ik but ke havale se basar raat karen
Leave a Reply