Shahab Jafri
is dhuup se kya gila hai mujh ko
saa.e ne jala diya hai mujh ko
main nala-e-sukut sang ka huun
sahra ne bahut suna hai mujh ko
main lafz ki tarah be-zaban tha
ma.ani ne ada kiya hai mujh ko
har sach ka nasib sang-sari
aur sach hi se vasta hai mujh ko
ḳha.if nahin marg-e-na-gahan se
siine ka vo hausla hai mujh ko
patthar pe miri sada ka saaya
a.ina dikha raha hai mujh ko
avaz de mujh ko tirgi men
avaz hi naqsh-e-pa hai mujh ko
Leave a Reply