Dasht-E-Ghurbat Hai to Wo Kyun Hain KHafa Humse Bahut

Shahab Jafri

dasht-e-ghurbat hai to vo kyuun hain ḳhafa ham se bahut

ham dukhi baiThe hain lag chal na saba ham se bahut

kya hai daman men ba-juz gard-e-mah-o-sal-e-umid

kyuun ulajhti hai zamane ki hava ham se bahut

ab ham iz.har-e-alam karne lage hain sab se

ab uTha.i nahin jaati hai jafa ham se bahut

kaun mausam hai ki patthar se lahu rista hai

ḳhun-baha mange hai ab dil ki sada ham se bahut

dad-e-shorida-sari paa.e jo sar se guzre

duur bhage hai abas mauj-e-bala ham se bahut

kar to den qissa-e-dauran men tire gham ka bayan

par lahu mange hai ye fikr-e-rasa ham se bahut

chaḌhte suraj ke pujari vahi nikle jo ‘shahab’

karte the tazkira-e-sidq-o-safa ham se bahut