apni marzi se kahan apne safar ke ham hain
rukh havaon ka jidhar ka hai udhar ke ham hain
pahle har chiiz thi apni magar ab lagta hai
apne hi ghar men kisi dusre ghar ke ham hain
vaqt ke saath hai miti ka safar sadiyon se
kis ko malum kahan ke hain kidhar ke ham hain
chalte rahte hain ki chalna hai musafir ka nasib
sochte rahte hain kis rahguzar ke ham hain
ham vahan hain jahan kuchh bhi nahin rasta na dayar
apne hi khoe hue shaam o sahar ke ham hain
gintiyon men hi gine jaate hain har daur men ham
har qalamkar ki be-nam khabar ke ham hain
Leave a Reply