Jahan Ara Tabassum
agarche sab se milegi tumhari shahzadi
magar tumhari rahegi tumhari shahzadi
jo dekh loge zara muskura ke tum mujh ko
ghazab ke sher kahegi tumhari shahzadi
shab-e-visal agar ho nasib shahzade
to ban ke phuul khilegi tumhari shahzadi
tumhare samne tum par jo sher kahti hai
musha.eron men paḌhegi tumhari shahzadi
jo ro.o.ge to ‘tabassum’ bhi saath ro.egi
hansaoge to hansnegi tumhari shahzadi
Leave a Reply