Chashm-E-Khunbar Sa Barse Na Kabhu Pani Ek

chashm-e-khunbar sa barse na kabhu paani ek

abr har chand kare apna lahu paani ek

shust-o-shu nama-e-aamal ki jis se hoe

baras ai abr-e-karam mujh pe vo tu paani ek

laakh paani se main dhoya na chhuta zakhm ka khuun

kaam aaya na mire vaqt-e-rafu paani ek

aaj tak ashk miri aankh se girte hain safed

zarf men apne ye rakhta hai subu paani ek

ta-kamar abr-e-mizha apna to barsa sau baar

na hua mauj-zanan ta-ba-gulu paani ek

ham tiri chaal se dil kyunki na haren is ai charkh

baazi dushvar hai tujh se to adu paani ek

bazi-e-murgh men bhi haar rahi ‘ghafil’ ki

tujh se jiita na vo ai arbada-ju paani ek

Leave a Comment