umr-bhar chara-e-junun na hua
ab ye kya sochiye ki kyuun na hua
nahin ma.alum kyuun tabi.at men
aaj rone se kuchh sukun na hua
kahin vo ma.il-e-karam hi na hon
muskura.e to gham fuzun na hua
ham piyen bhi to kya piyen ye mai
bhar gaya jaam lala-gun na hua
shayad ab ke baras hai ḳhatm junun
fasl-e-gul men mujhe junun na hua
ishq ka zikr sher men kyuun hai
ye to ‘ali’ gham-e-darun na hua
Leave a Reply