Abdul Hamid Adam
taklif mit gai magar ehsas rah gaya
khush huun ki kuchh na kuchh to mire paas rah gaya
pal-bhar men us ki shakl na aai agar nazar
yak-dam ulajh ke rishta-e-anfas rah gaya
photo men dil ki chot na tabdil ho saki
naqlen utaar utaar ke akkas rah gaya
vo jhute motiyon ki chamak par phisal gai
main haath men liye hue almas rah gaya
ik ham-safar ko kho ke ye halat hui ‘adam’
jangal men jis tarah koi be-as rah gaya
Leave a Reply