zindagi kya hai ibtila ke siva
shikva-e-dard-e-la-dava ke siva
teri duniya men kya nahin milta
ik dil-e-dard-ashna ke siva
chara-e-dard-e-zindagi kya hai
ah-e-jan-kah-o-iltija ke siva
kuchh nahin iḳhtiyar men apne
bandagi ke siva dua ke siva
main ne har baat un se kah Daali
lekin ik harf-e-mudda.a ke siva
meri imdad sab ne farma.i
va.iz-o-zahid-o-ḳhuda ke siva
kaun samjhega in haqa.eq ko
‘sho.ala’-e-rind-e-parsa ke siva
Leave a Reply