ummid par hamari ye duniya khari nahin
phir bhi to us ko paane ki ḳhvahish miri nahin
be-vaj.h gul-ruḳhon se miri be-ruḳhi kahan
mere junun-e-shauq ke qabil pari nahin
taskin mile bhi dida-e-hairan ko kis tarah
shishagari nahin kahin jalvagari nahin
bad-rang si bahar hai fasl-e-bahar men
bashshash dil nahin hai tabi.at hari nahin
lagta hai aaj shahr ke halat Thiik hain
masjid vagarna kal ki tarah kyuun bhari nahin
halanki mere jurm pe parde paḌe rahe
dil ki malamaton se magar main bari nahin
dharti pe dikh rahe hain gunahon ke ab asar
‘azam’ kahin to ḳhushki kahin par tari nahin
Leave a Reply