ulTi paḌti hai har ik kaam ki tadbir abas
mujh se bargashta hui hai miri taqdir abas
jo muqaddar men likha hai nahin miTne vaala
aah be-kar hai aur nala-e-shabgir abas
koi baaqi nahin fariyad ka sunne vaala
shor karti hai mire paanv ki zanjir abas
shauq kahta hai mira mujh se jo hona hai vo ho
qatl karne men hai jallad ko taḳhir abas
kah diya uqda-e-tadir ka khulna dushvar
dil samajh le ḳhalish-e-naḳhun-e-tadbir abas
aap kuchh mujh se ab ai hazrat-e-naseh na kahen
guftugu aap ki be-kar hai taqrir abas
jan-setan tir-e-nazar yuun bhi hai us ka ‘mas.ud’
khinchta hai vo mire qatl pe shamshir abas
Leave a Reply