Ahmad Mahfuz
udhar se aae to phir laut kar nahin gae ham
pukarti rahi duniya magar nahin gae ham
agarche khaak hamari bahut hui pamal
ba-rang-e-naqsh-e-kaf-e-pa ubhar nahin gae ham
husul kuchh na hua juz ghubar-e-hairani
kahan kahan tiri avaz par nahin gae ham
mana rahe the vahan log jashn-e-be-khvabi
yahan the khvab bahut so udhar nahin gae ham
chadha hua tha vo dariya agar hamare liye
to dekhte hi rahe kyuun utar nahin gae ham
Leave a Reply