Bargashta-E-Yazdan Se Kuchh Bhul Hui Hai

bargashta-e-yazdān se kuchh bhuul huī hai

bhaTke hue insān se kuchh bhuul huī hai

tā-hadd-e-nazar sho.ale hī sho.ale haiñ chaman meñ

phūloñ ke nigahbān se kuchh bhuul huī hai

jis ahd meñ luT jaa.e faqīroñ kī kamā.ī

us ahd ke sultān se kuchh bhuul huī hai

hañste haiñ mirī sūrat-e-maftūñ pe shagūfe

mere dil-e-nādān se kuchh bhuul huī hai

hūroñ kī talab aur mai o sāġhar se hai nafrat

zāhid tire irfān se kuchh bhuul huī hai

Leave a Comment