uḌa liye hain kuchh arbab-e-gulistan ne to kya
hazar sheva-e-nau hain miri fughan ke liye
zamin-e-kucha-e-janan se aa rahi hai sada
bulandiyan nahin maḳhsus asman ke liye
hai ḳhatm hausla-mandi vajud-e-adam par
satiza-e-kar hai fat.h-e-gham-e-jahan ke liye
hai saḳht be-adabi gar kahe fasana-e-ishq
har ek baat munasib nahin zaban ke liye
andheri raat thaki himmaten kaḌi manzil
salamti ki dua maang karvan ke liye
saja.i fikr-e-daraḳhshan ne meri bazm-e-nujum
thi muntazir ye zamin naz-e-asman ke liye
Leave a Reply