Baat chheDo Na Koi Uske Fasane Wali

baat chheḌo na koī us ke fasāne vaalī

varna dil ko nahīñ taskīn hai aane vaalī

thak ga.ī aaj chalā.e nahīñ tum ne patthar

mujh ko aadat hai sadā ḳhuuñ meñ nahāne vaalī

phir uThe aaj qadam jānib-e-maqtal mere

ye kashish jaan se pahle nahīñ jaane vaalī

ashk aise na bahāo mirā dil jalne do

aag ye vo nahīñ paanī se bujhāne vaalī

Leave a Comment