pahuncha huun asman pe tujhe DhunDhta hua
ai muḳhtasar basit sitare qarib aa
bikhre hue talab ke taqaze idhar-udhar
kapḌe gilas qahqahe sahil pe ja-ba-ja
beTa suno kaha ye mujhe ik buzurg ne
mahdud kis qadar hai ye TukḌa zamin ka
un bastiyon ke paar udhar duur us taraf
larzan hai ḳhauf-e-marg se insan aaj ka
pagal sa ek aadmi kal duur tak mujhe
muḌ muḌ ke dekhta gaya pahchanta gaya
Leave a Reply