der Tak Koi Kisi Se Bad-Guman Rahta Nahin

der tak koi kisi se bad-guman rahta nahin

vo vahan aata to hoga main jahan rahta nahin

ek main huun dhuup men kitna safar tai kar liya

ek tu hai jo kabhi be-saeban rahta nahin

tum ko kyuun pedon pe likkhe naam mitne ka hai dukh

is badalti rut men patthar par nishan rahta nahin

vo bana leta hai apna ghonsla divar men

jis parinde ka shajar men ashiyan rahta nahin

tu parindon ki tarah udne ki khvahish chhod de

be-zamin logon ke sar par asman rahta nahin