Chura Na Aankh Ko Saqi Ki Baada-Nosh Hun Main

Pandit Jagmohan Nath Raina Shauq

chura na aankh ko saaqi ki bada-nosh huun main

abhi to faisla hota hai ek saghar par

mariz-e-ishq ki halat kabhi na sanbhlegi

mujhe to chhoḌ de ai chara-gar muqaddar par

hamare naale bhi thak thak ke ab to baiTh rahe

ga.e vo din ki uThate the asman sar par

hamare mai-kada ko chhoḌ kar na ja zahid

milega qatra na kam-baḳht hauz-e-kausar par

gila na ham ne kiya ‘shauq’ us sitamgar se

bala.en sab vo uTha.in jo aa paḌin sar par