ghalat ki sa.i-e-junun-ḳhez ra.egan na ga.i
bahar aa.i chaman men magar ḳhizan na ga.i
dil-o-nazar ka yahi fasla hayat bhi hai
pahunch gaya hai jahan dil nazar vahan na ga.i
chaTak ke ghuncha to ḳhamosh ho gaya lekin
shikast-e-dil ki sada thi kahan kahan na ga.i
the raftagan men sabhi raunaq-e-jahan ka sabab
kisi ke saath magar raunaq-e-jahan na ga.i
koi bata.e ki ‘nashtar’ sada-e-raqs-e-junun
saba ke kaan men pahunchi to phir kahan na ga.i
Leave a Reply