Zehra Nigaah
bhuli-bisri yadon ko liptae hue huun
tuuta jaal samundar par phailae hue huun
vahshat karne se bhi dil bezar hua hai
dasht o samundar anchal men simtae hue huun
vo khushbu ban kar aae to be-shak aae
main bhi dast-e-saba se haath milae hue huun
tute-phute lafzon ke kuchh rang ghule the
un ki mehndi aaj talak bhi rachae hue huun
jin baton ko sunna tak bar-e-khatir tha
aaj unhin baton se dil bahlae hue huun
Leave a Reply