jis jagah jam.a tire ḳhak-nashin hote hain
ghaliban sab men numudar hamin hote hain
dard-e-sar un ke liye kyuun hai mira ijz-o-niyaz
mere sajdon se vo kyuun chin-ba-jabin hote hain
un ki mahfil se tasavvur ka ta.alluq hai hamen
aankh kar lete hain jab band vahin hote hain
tere jalvon ne mujhe gher liya hai ai dost
ab to tanha.i ke lamhe bhi hasin hote hain
etikaf in dinon hai farz suna hai ‘simab’
ramazan aa ga.e mai-ḳhana-nashin hote hain
Leave a Reply