Poet
ubharte Dubte taron ke bhed kholega
fasil-e-shab se utar kar koi to bolega
ye ahd vo hai jo qaa.il nahin sahifon ka
ye harf harf ko maslub kar ke tolega
utar hi ja.ega rag rag men aaj zahr-e-sukut
vo pyaar se mire lahje men shahd gholega
mira nasib hi Thahra jo rabton ki shikast
tilism-e-jan ka bhi ye qufl koi kholega
jo suune dil men kahin bas gaya koi aaseb
jahan bhi jaoge saaya sa saath ho lega
hai aaj vaqt ‘zafar’ dil ki baat kah Dalen
kabhi to vo bhi zara apna dil TaTolega
Leave a Reply