TuTe taKHte Par Samundar Par Karne Aae The

Poet

TuuTe taḳhte par samundar paar karne aa.e the

ham-safar tufan-e-gham se pyaar karne aa.e the

Dar ke jangal ki faza se pichhe pichhe ho liye

log chhup kar qafile par vaar karne aa.e the

is gunah par mil rahi hai sang-sari ki saazi

pattharon ko niind se bedar karne aa.e the

log samjhe apni sachcha.i ki ḳhatir jaan di

varna ham to jurm ka iqrar karne aa.e the

vo bhi karb-e-ḳhud-bayani men ‘zafar’ ghaltan mila

jis se apni zaat ka iz.har karne aa.e the