Ab ghaTaen Chahiyen Saqi Na Paimana Mujhe

Poet

ab ghaTa.en chahiyen saaqi na paimana mujhe

us ke gham ne kar diya har gham se begana mujhe

ḳhatm kar dena hai ab vahshat ka afsana mujhe

kah ga.e apni zaban se vo bhi divana mujhe

nahnu-aqrab ki sada deti hai ḳhud manzil miri

ab na ka.aba raah men roke na but-ḳhana mujhe

dil men jab sham-e-haqiqat sho.ala-ru ho ja.egi

ḳhud jala degi samajh kar apna parvana mujhe

kya gham-e-dauran ki baten kya suluk-e-dostan

kyon sunati hai ye duniya mera afsana mujhe

apni kuTiya ki riha.ish par hai faḳhr-o-imbisat

kya lubha.ega kisi ka qasr-e-shahana mujhe

is tarah ḳhush huun ki jaise ‘shauq’ sab kuchh de diya

baḳhsh kar allah ne ik dil faqirana mujhe