Ba-Qadr-E-Hasrat-E-Dil Zulm Bhi Dhana Nahin Aata

ba-qadr-e-hasrat-e-dil zulm bhī Dhānā nahīñ aatā

vo kyā taskīn deñge jin ko taḌpānā nahīñ aatā

baqā-e-jāvedāñ ke raaz se vāqif nahīñ ai dil

jinheñ rāh-e-vafā meñ ḳhaak ho jaanā nahīñ aatā

badalte rahiye unvāñ sharh-e-rūdād-e-mohabbat ke

kisī sūrat tamāmī par ye afsāna nahīñ aatā

girā de qasr-e-istibdād jo ik nāra-e-hū se

nazar aisā koī bhī aaj dīvānā nahīñ aatā

Leave a Comment