Muzaffar Ali Syed
kaam koi to kabhi vaqt se aage kar ja
ai dil-e-zinda mire marne se pahle mar ja
saghar-e-chashm ko zahrab se ḳhali kar de
aur jo bharta hai tu paimana-e-hasti bhar ja
tishnagi kam ho magar duur na hone paa.e
apne pyase ko na sairab-e-mohabbat kar ja
ḳhaak se ta-ba-falak ḳhvab ka phaila daman
koi koshish na kahin aur tamanna har ja
tu musafir tire kis kaam ki shohrat ‘sayyad’
ye saḳhavat sar-e-dahliz-e-rafiqan dhar ja
Leave a Reply