Is Tariqe Ko Adawat Mein Rawa Rakhta Hun Main

Sahba Akhtar

is tariqe ko adavat men rava rakhta huun main

apne dushman ke liye harf-e-dua rakhta huun main

main faqiri men bhi ahl-e-zar se behtar hi raha

kuchh nahin rakhta magar nam-e-ḳhuda rakhta huun main

main kabhi tanha nahin hota sar-e-kunj-e-chaman

vo na hon to haath men dast-e-saba rakhta huun main

main ne kam khoya siva paaya hai kar-e-ishq men

dil jahan tha ab vahan ik dil-ruba rakhta huun main

jaane kab aa jaa.e vo sahba misal-e-fasl-e-gul

is liye virana-e-dil ko saja rakhta huun main