kaman na tiir na talvar apni hoti hai
magar ye duniya ki har baar apni hoti hai
yahi sikhaya hai ham ko hamare logon ne
jo jang jiite vo talvar apni hoti hai
zaban chiḌiyon ki duniya samajh nahin sakti
qubul-o-rad ki ye takrar apni hoti hai
na haath suukh ke jhaḌte hain jism se apne
na shaḳh koi samar-bar apni hoti hai
jo haath aa.e use raund kar chala jaa.e
guzarte vaqt ki raftar apni hoti hai
jagah jagah se nivale uThane paḌte hain
talash-e-rizq ki begar apni hoti hai
Leave a Reply