Jate Jate Gale Lagata Kya

jaate jaate gale lagātā kyā

vo mirā aur dil dukhātā kyā

phir vahī ḳhush-gumāñ tabī.at uf

tajraba kuchh nahīñ sikhātā kyaa?

jaane vaale to jā chuke kab ke

ab yahāñ ḳhaak hai uḌātā kyā

shām-e-hastī kā phaḌphaḌātā charāġh

lau bhalā aur se lagātā kyā

maiñ huuñ majbūr aa.ina to nahīñ

dard ko ḳhushnumā dikhātā kyā

kuchh nayā thā hī kab kahānī meñ

qissa-go lakḌiyāñ jalātā kyā

jal-parī tairne nahīñ aa.ī

jhiil kī samt chāñd jaatā kyā

hai burā ek din to achchhā ek

kyā koī rotā muskurātā kyā

Leave a Comment