darun-e-ḳhvab koi shakl muskurati hai
main chup rahun to mire saath gungunati hai
qaza se uljhe hue sogvar hathon men
hamare naam ki mehndi laga.i jaati hai
ye ruḳhsati ka samay bhi ajab hai aḳhir-e-shab
ki chuḌiyon ki khanak aur baḌhti jaati hai
jamal aur kisi ka hai mere chehre par
badan men aur koi ruuh tilmilati hai
ye raat sahmi sisakti hui dulhan ki tarah
lipaTti jaati hai sharminda hoti jaati hai
Leave a Reply