Shoaib Nizam
TuuTe hue ḳhvabon ke talabgar bhi aa.e
ai jins-e-giran tere ḳharidar bhi aa.e
muddat hui sunte hue tamhid-e-tilismat
ab qisse men aage koi kirdar bhi aa.e
kya ḳhatm na hogi kabhi sahra ki hukumat
raste men kahin to dar-o-divar bhi aa.e
ab jis ke asar men hai ye viran haveli
vo saaya kabhi to pas-e-divar bhi aa.e
phir shahr men ayyam-e-guzishta ki uḌi raakh
phir zad men ka.i jubba-o-dastar bhi aa.e
pahle to sabhi tere sarapa men hue gum
phir zikr men aage tire atvar bhi aa.e
Leave a Reply