ismail-merathi

Jahan Tegh-E-Himmat Alam Dekhte Hain

jahan tegh-e-himmat alam dekhte hain

mahalat ka sar qalam dekhte hain

jo baithe the yaan pa-ba-daman-e-hasti

unhen sar-ba-jeb-e-adam dekhte hain

kamalat-e-sanea pe jin ki nazar hai

vo khubi-e-masnua kam dekhte hain

nahin mubtala jo tan-asaniyon men

unhen dam-ba-dam taza-dam dekhte hain

nahin jin ko jah-o-hasham ka takabbur

vahi lutf-e-jah-o-hasham dekhte hain

shikam-parvari jin ka sheva hai un ko

asir-e-jafa-e-shikam dekhte hain

bas ai rang-o-bu tu na kar naaz be-ja

khuda jaane kya baat ham dekhte hain

udate hain jo rakhsh-e-himmat ko sarpat

vo manzil ko zer-e-qadam dekhte hain

More Poems

Leave a Comment