Tut Kar Andar Se Bikhre Aur Hum Jal-Thal Hue

tuut kar andar se bikhre aur ham jal-thal hue

tujh se jab bichhde to itna roe ham badal hue

the kabhi abad jo zakhmon ke phulon se yahan

dekhna vo shahr is mausam men sab jangal hue

dhuup se mahrumiyon ki the hirasan log sab

ruuh ke azar se kuchh aur bhi pagal hue

jin se vabasta thi ‘shabnam’ zindagi ki har khushi

aah kaise log the nazron se jo ojhal hue

Leave a Comment