Pawan Kumar
tum ko socha tirgi men der tak
main nahaya raushni men der tak
dhuup men rahna tha saara din hamen
kaise rahte chandni men der tak
chiḳh ghuT kar rah ga.i dil men magar
shor gunja ḳhamushi men der tak
phir mujhe avaz di ik shaḳhs ne
phir main Thahra us gali men der tak
gharq ho jaane se pahle kashtiyan
laḌkhaḌa.i thiin nadi men der tak
log kya samjhenge ye soche baghair
ham bhi chilla.e ḳhushi men der tak
apna gham de kar vo ruḳhsat ho gaya
dil mira roya ḳhushi men der tak
ḳhud se milne ke jatan men ai ‘pavan’
main raha be-rabtagi men der tak
Leave a Reply