Pirzada Qasim
ayaan ham par na hone ki khushi hone lagi hai
diye men ik nai si raushni hone lagi hai
nai kuchh hasraten dil men basera kar rahi hain
bahut abad ab dil ki gali hone lagi hai
so tai paaya masaib zindagi ke kam na honge
magar kam zindagi se zindagi hone lagi hai
udhar tar-e-nafas se aa mili hai raunaq-e-zist
idhar kam mohlati men bhi kami hone lagi hai
sar-e-aghaz dil ki dastan men vo nahin tha
magar mahsus ab us ki kami hone lagi hai
hamari dosti ka dam bharen aise kahan hain
zamane sab se teri dosti hone lagi hai
Leave a Reply