Inqilab-E-Sahar-O-Sham Ilahi Tauba

inqilāb-e-sahar-o-shām ilāhī tauba

asar-e-gardish-e-ayyām ilāhī tauba

fitrat-e-bāda-e-rañgīñ meñ nahīñ kaif o nashāt

rind haiñ morid-e-ilzām ilāhī tauba

sehn-e-gulshan meñ bahāroñ ne bichhā rakkhe haiñ

laala o gul ke hasīñ daam ilāhī tauba

ālam-e-nazā meñ palkoñ pe larazte aañsū

ishq kā āḳhirī paiġhām ilāhī tauba

gulshan-e-fikr pe ‘anvar’ hai girāñ-bār mizāj

sher kī bārish-e-ilhām ilāhī tauba

Leave a Comment