hukm aaya hai ki fitne ko bhi fitna na kahun
jaisa dekha hai suna hai use vaisa na kahun
mere chup rahne se kya baat sanvar ja.egi
log ḳhud bhi to samajhte hain kahun ya na kahun
husn ghamze se chhuTa ishq faramosh hua
aise halat men kya sher bhi sachcha na kahun
ḳhud-kushi aur shahadat men hai ik farq-e-latif
kaash jo kuchh mujhe kahna hai vo tanha na kahun
kis qadar zulm hai halat ka ‘nuri’ sahab
aap dhoka mujhe den aur main dhoka na kahun
Leave a Reply